විශාලා මහ නුවර තුන් බියක් ඇති විය. ෂඩ් ශාස්තෘවරුන් පැමිණ විවිධ පුද පූජා යාග හෝම පැවැත්වුවද වෙනසක් ඇති නොවීය.
මේ තුන් බිය නැති කිරීමට ලෝක නාථ තථාගත සම්බුදු රජාණන් වහන්සේට හැකි වෙතැයි සිතූ රජ උන්වහන්සේගෙන් මේ බව විමසුවේය.
මිනිසුන්ගේ මනස අයහපත් බැවින් මෙවැනි දේ සිදු වන නිසාවෙන් මනස යහපත් කරගන්නේ නම් යහපති යැයි දෙසූ බුදුන් ඒ සඳහ මේ ධර්ම මාර්ගය අනුගමනය කරන්න යැයි උපදෙස් වදාරා රතන සූත්‍ර දේශනාව දෙසූ සේක.
ඉතින් මේ රතන සූත්‍රයේ ඇති දේ පිලිපැද බුදු, දම්, සඟ මගෙහි ගොස් සිත් සතන් සුවපත් කරගත්තා.
සුවපත් වූ සිත් ඇති තැන මොන තුන් බියක්ද? සියළු බිය නැති වී ගියා
රතන සූත්‍රයේදී බුදුන් දෙසුයේ සෝවාන්, සකෘදාගාමි, අනාගාමි, අරිහත් ඵල වලට බුදු, දම්, සඟ මග ඔස්සේ පැමිණි කෙනා හට කිසිම බියක් ඇති නොවේය, බිය දුරු වේය යන්නයි.
රතන සූත්‍රයේ 'භූතානි' කීවේ යක්කුන්ට නොව සතර මහ භූතයන්ගෙන් සැදුම් ලත් මේ කයටය. නිති පතා පුදන මේ කයට අපි ආහාර පාන දී රැක බලා ගත්තත් සැක, බිය, දුක මේ කය තුලින්ම ඇති වේ.
මේ තුන් බිය නැති කිරීමට නම් මේ කය අභිනන්දනය නොකොට එහි විපාක දැක ධර්ම මාර්ගයේ ගොස් සුවපත් කරගන්න කියල තමයි දෙසුවේ.
මේක නොදත් අපේ බෞද්ධයා රතන සූත්‍රය ජප කර වතුර කර ඔහේ ඉහ ඉහ යති.
සූත්‍රය තේරුම් කරගත නොහැකි කල්හි බුද්ධඝෝෂ අට්ඨ කථා එයාට ඕන විදියට ලිවුවා. ඒ අට්ඨ කථාවට අදත් අපේ බෞද්ධයා වඳිති.
මේ අට්ඨ කථා වල පරස්පර විරෝධී තාවය කරණීය මත්ථ සූත්‍රයෙහි සහ ඊට අදාල අට්ඨ කථාව කියවීමෙන් දැක්විය හැක.
කරණීය මත්ථ සූත්‍රයෙන් කියවෙන්නේ යමක් කරන විදියක් ගැනය. ඊට අදාල අට්ඨ කථාවෙන් කියවෙන්නේ මේක ජප කරන්න කියාය.
ඔබම කියවා සාක්ෂාත් කරගන්න
